حدود حرية المراة.

نحن الان نعيش فى عصر انتشرت فيه الفضائيات وكتر فيه الكلام والواحد بقى تايه ....مش عارف مين الصح ومين الغلط........يعنى مثلا دلوقتى ومع انتشار موضة (حرية المراة) فى البرامج والفضائيات تلاقى سيادتك الواحد ولا الواحدة من دول قاعدين وبيتكلموا بكل ثقة عن ظلم المجتمع للمراة ووصفهم ليه بانه مجتمع ذكورى ومتخلف وجاهل ورجعى...................الخ.
واللى يحرق دم الواحد اكتر انهم فاكرين ان بالطريقة دى هيبقوا فى نظر الناس متفتحين ومتقدمين (دة فى مرة سمعت ممثل عربى مشهور بيقول ان مافيش مشاكل عنده من ان بنته تتعرف على ولد وانه يكلمها فى التليفون ....وقال ايه بس بشرط انه يكون محترم وانه واثق فى اخلاق بنته...الى اخره من الكلام الحمضان دة)....طب بالله عليكوا حد يقبل الكلام دة على اخته وبعدين مهما كانت اخلاق البنت او الولد كويسة ........هما فى النهاية بشر والانسان خطاء يعنى ماينفعش ان الواحد يحط البنزين جنب النار ويقول ان مافيش مشاكل.
وبالمناسبة انا مش ضد حرية االمراة........ لكن انا ضد المتاجرين بقضايا وهموم المراة .......يعنى مش عشان خاطر واحدة ست جوزها بيضربها او بيعذبها تطلعلنا واحدة من بتوع حرية المراة وتقول ان المجتمع كله ذكورى وبيكره المراة وان مفيش مشكلة لما بنت تتعرف على ولد بشرط انه يكون مؤدب ومتربى......الخ.
دى ناس ماجورة من اعدائنا عشان يروجوا لافكار دخيلة علينا ولاتناسب مجتمعنا ولا هويتنا
وفاكرين ان البنات لما تلبس هدوم تظهر اكثر مما تخفى شطارة وان البنت تكون ليها علاقات واسعة بالجنس الاخر دى شطارة ...........دة الموضوع وصل لدرجة ان لما اقترح البعض فكرة ان الستات تقعد فى بيوتها عشان يدوا فرصة للرجالة العاطلة تشتغل اتصدروا فيها برضه ..... يعنى بالعقل كدة مين اللى مسئول عن فتح البيت (الراجل ولا الست) مين اللى يصرف (الراجل ولا الست) والاجابة معروفا طبعا فهل يعقل ان الشباب يترما على القهاوى عشان خاطر ست تشتغل(طبعا الست لازم تشتغل لو فى ظروف صعبة تجبرها على كدة لكن انا بتكلم على الوضع العادى يعنى على البنات والستات اللى مش محتاجين للشغل) .
واؤكد للمرة التانية انى مع حرية المراة فى التعليم وفى العمل(طالما فيه ظروف تجبرها زى ماقلت.....وحتى لو ظروفها مش صعبة انا مش ضد دة لكن زى ماقلت لما تكون حالة المجتمع ككل سامحة يعنى الشباب الرجالة شغالين ولهم الاولوية) لكن انا ضد ان واحدة تلبس ملابس تهينه او تدى فرصة لواحد مش محترم انه يعاكسها وضد انها تتعرف على كل شاب بمنتهى السهولة وللعلم الاحصائيات تؤكد ان اكبر نسبة جواز عرفى بتكون بين الشباب (ودة ليه اسباب تانية جنب اللى قلته...لكن دة مش مجالها)............ارجو ان تعبروا عن رايكوا بمنتهى الصراحة فى الكلام دة.

بجد يا مصري انت قلت كلام كتير كنت عاوز أقوله
بس سكت
ليه ماتعرفش
يمكن لأني ماعرفتش اتكلم
او لأني قلت اني الوحيد الي بيفكر كده

اقتباس :

ظلم المجتمع للمراة ووصفهم ليه بانه مجتمع ذكورى ومتخلف وجاهل ورجعى...................الخ

أسمحولي الاول فين المراه دي اصلا
اظن انا مش محتاج اتكلم
بس المرأه الصح ماعدش ليها وجود الا للحق يعني في قله من الناس لاحظ اني اتكلم عن دائره معارفي

اقتباس :

يعنى مش عشان خاطر واحدة ست جوزها بيضربها او بيعذبها تطلعلنا واحدة من بتوع حرية المراة وتقول ان المجتمع كله ذكورى وبيكره المراة

اظن ان الراجل هو الي المفروض يقول كده ولو مش مصدقين افتحو الاهرام صفحه تلاته وعشرين علي الحوادث وشوفوا وابقوا قوليلي

اقتباس :

مافيش مشاكل عنده من ان بنته تتعرف على ولد وانه يكلمها فى التليفون ....وقال ايه بس بشرط انه يكون محترم وانه واثق فى اخلاق بنته.

حد يثبتلي ان ده مش حرام مش هأقول من النحيه الاخلاقيه لأن الاخلاق اصبحت معدومه ومحرفه بس يجبلي من الدين حاجه تاكد انه ده مش حرام ميه في الميه
وغير متخذات اخدان


اخيرا وليس أخر

د

اقتباس :

ى ناس ماجورة من اعدائنا عشان يروجوا لافكار دخيلة علينا ولاتناسب مجتمعنا ولا هويتنا
وفاكرين ان البنات لما تلبس هدوم تظهر اكثر مما تخفى شطارة وان البنت تكون ليها علاقات واسعة بالجنس الاخر دى شطارة

NO CoMMeNt

شكرا للمصري علي الموضوع المميز

الموضوع فعلا مميز جدا و يستاهل التثبيت

و الرد برضو هو الي كنت عاوز ارده
فشكراا ليكوا انتو الاتنين

أشكركم على اهتمامكم بالموضوع واتمنى ان يشارك المنتدى كله برايه فى الموضوع دة بالذات لانه يهمنى جدا اعرف الشباب بيفكر فى الموضوع دة ازاى ووجهة نظره ايه فيه. وكمان عشان اعرف ان كنت انا بفكر لوحدى بالطريقة دى ولا لأ.

لا اطمن كل الناس المحترمه بتفكر بنفس الطريقه

مش ولاد بس
لا
حتي البنات الكويسه بتفكر كده هي كمان

لان هو ده الوضع المثالي

فعلا ده الوضع المثالي
الي ربنا خلقنا كلنا عليه مفطور فينا
لازم نعمله من غير اي شك ولا جدال
بس في عصر اصبحت فيه زمم خربه
وضمائر مدمره
اصبح علي الانسان اي يذكر اشباه البشر بواجبتهم ويوجههم الي الطريق الصحيح
وانت واحد من الناس الي بتوجه يا مصري
تقدم وتشجع وانقد
طالما نقدك بناء
جزاك الله خيرا

الله عليك يا مصرى والله كلام جامد جدا انا مش عارف حرية ايه اكتر من كده ناقص الرجاله بعد كده هما اللى يقعدوا فى البيوت

يا جماعة من بداية الخلق وسيدنا ادم واحنا عارفين ان الراجل هو اللي بيشتغل وبيجيب الفلوس والست عليها تربية العيال


انا فعلا بستغرب لما الاقي واحدة عمالة تتكلم وتقول المرأة مش واخدة حريتها ودة مجتمع ذكوري .......الخ وهيا عمرها منزلت الشارع وسالت المرأة هيا واخدة حقوقها ولا لأ


انا فاكر ان مرة قناة O TV عملت استفتاء في الشارع وكانو بيسألو الستات سؤال (اهل المرأة حقوقها ولا لأ) وكان الجواب ان اكتر من 90% من اللي اتسألو قالو ان المرأة واخدة حقوقها كاملة



طب حد يمزل الشارع كدا ويدور على شغل هيلاقي كل الناس طالبة انسات للعمل حتى مندوبين المبيعات اللي بيلفو في الشارع طول اليوم مطلوب انسات

بالذمة في ظلم اكتر من كدة دة انا حاسس ان الراجل هو اللي مظلوم ومش واخد حقوقه

اشكر جميع القائمين على هذا المنتدى وسلام

الشكر ليك يا ميمون
ونرحب بيك وسط المنتدي المتواضع اللذيذ بتاعنا
ومتسنين نشوف شغلك معانا

لا لا لا حدود اية يااااااااااااااااا جماعة


خليك كول كول ياااااااااااااااااا مصري بلاش بقي

سمعت اخر الاخبار بيقولو عايزين يعملوا مساجد للنساء فقط
هما اللى يخطبوا ويؤذنوا ويصلو وانت ممنوع

لا يا عم دي صعبة قوي
موصلتش للدرجة دي

بكره نشوف

عندك حق
بكرة نشوف