ملف علماء الذرة المصريين .

عندما كنت ابحث فى بعض صفحات الانترنت وجدت احد المنتديات العربية وبه شباب من البلاد العربية يسخرون من علمائنا المصريين ويحطون من قدرهم فقد قرات ان احدهم يقول ان اننا
(المصريين) بننفخ علمائنا وهما ما يستاهلوش كل الضجة اللى بتتعمل عليهم ومن باب انى زى
اى مصرى مابحبش حد يسخر مننا ومن علمائنا ..........فقررت اتكلم فى موضوع النهايات الغامضة لكثير من علمائنا المصريين حتى نثبت لهؤلاء ان علماءنا لهم اهمية وشان كبير والا
ماكانش حد هيفكر يغتالهم.
نجد ان الدكتور مشرفة واحدا من عظماء مصر وكانت نهايته غامضة حيث يقال انه مات مسموما
وايضا الدكتورة سميرة موسى التى ماتت فى حادث سيارة بالولايات المتحدة الامريكية وهناك ايضا عالم مصرى وهو الدكتور سمير نجيب وكان من علماء الذرة الذين عاشوا فترة بالولايات المتحدة الامريكية وكان عبقريا بدليل ان جامعة (ديترويت) اعلنت عن احتياجها لاستاذ مساعد فى قسم الطبيعة وتقدم لذلك المنصب اكثر من مائتى عالم من مختلف الجنسيات وتفوق عليهم الدكتور سمير نجيب وعندما جاءت نكسة يونيو 1967 قرر الدكتور سمير العودة الى مصر ليفيد بلده بعلمه
وبدات جهات امريكية كثيرة تعرض عليه البقاء وعدم السفر لكنه اصر على موقفه و فى ليلة عودته الى مصر تحرك اعداء مصر و العروبة وعندما كان يقود سيارته وهو يفكر فى ان يعود لبلده ويقدم ابحاثه الى مسئولينا ظهرت سيارة نقل ضخمة ظن فى البداية انها سيارة تسير فى الطريق شانها شان اى سيارة لكنه شك فى انها تتعقبه فاراد ان يتاكد فانحرف بالسيارة الى يمين الطريق فوجدها تتعقبه وفجاة اسرعت تلك السيارة اليه واصطد مت به ومات الدكتور سمير وقيد الحادث ضد مجهول.
ومن علمائنا ايضا الدكتور نبيل القلينى وكانت نهاينه اغرب من الذين سبقوه فقد اختفى هذا العالم
منذ عام 1975 وحتى الان فقد كانت جامعة القاهرة قد اوفدته الى (تشيكوسلوفاكيا) من اجل اجراء ابحاث فلى الذرة وكشفت تلك الابحاث عن عبقرية غير مسبوقة تحدثت عنها الصحف هناك ثم حصل على الدكتوراه من جامعة براغ وفى صباح يوم الاثنين 27 / 1 / 1975 دق جرس الهاتف فى الشقة التى كان يقيم بها الدكتور القلينى وبعدها خرج ولم يعد حتى الان وعندما انقطعت الاتصالات بينه وبين كلية العلوم جامعة القاهرة ارسلت الكلية الى الجامعة التشيكية تستفسر عن
مصيره لم ترد الجامعة التشيكية وعندما الحت جامعة القاهرة ردت الجامعة التشيكية بان الدكتور
خرج من بيته بعد مكالمة هاتفية ولم يعد.........وهنا سؤال يطرح نفسه كيف عرفت الجامعة التشيكية بامر المكالمة الهاتفية ؟ واذا كانت الجامعة قد عرفت من الشرطة فكيف عرفت الشرطة؟
و الاغرب ان السلطات المصرية لم تحقق فى الجريمة ...... ولكن هناك احتمالات اما ان يكون قد
قتل على يد اجهزة المخابرات المعادية لمصر والعرب او يكونوا قد اجروا له مايسمى بغسيل الدماغ
بما يحقق تعطيل كل مافى عقله من دراسات علمية او قد يكون فى احد السجون الاسرائيلية او يكون قد تم مبادلته ببعض الجواسيس الاسرائيليين فى مصر بعد توقيع معاهدة كلمب ديفيد.

والقائمة تطول..........وللحديث بقية ان شاء الله.

ميرسى يا مصرى على الموضوع الهادف ده
فعلا انت عندك حق كتير من علماءنا بيختفوا فى ظروف غامضة الله اعلم ايه هى
بس ده مش علماءنا بس ده اى شخصية ناجحة ومرموقة فى مصر بيحصل لهم نفس الحوار ده زى سعاد حسنى مثلا وغيرها
واخيرا بشكرك مرة تانية على موضوعك ده
معلش بقى يا جماعة طولت عليكوا

شكرا لاهتمامك يا ريما ........ وعلى فكرة انتى فكرتينى بلندن والنهايات الماساوية لكثير من المصريين
هناك لما ذكرتى سعاد حسنى الغريب ان مش هى لوحدها اللى ماتت سقوطا من العمارة ,....... دة كمان
الدكتور اشرف مروان مات بنفس الطريقة والليثى ناصف قائد الحرس الجمهورى فى عهد الرئيس السادات
ودى حاجة برضه مثيرة للشك ان كذا مصرى يموت بالطريقة دى وفى نفس المدينة.

عندك حق يا مصري
بجد ليه
هو كتير علينا اننا يبقي عندنا انسان
انسان بمعني صح
ماتستغربوش
الي انا شايفه دلوقتي من انصاف العلماء يجعلني ابكي لحالنا المرزي
شكرا يا مصري لأنك قلب علينا مواجع كتير
بس أكيد هاتفوقنا لحاجات صح كتير

الوضوع جميل اوي اوي

و مميز طبعا زي ما عودنا منك

هو كتير علينا اننا يبقي عندنا انسان
انسان بمعني صح

انا ممكن ارد عليك يا ادمين
هو مش كتير علينا هو الطبيعى لاى بلد ان بيكون ليها نماذج مشرفة طبعا
بس الغرب عارفين كويس اوى ان فى النهاية هيكون فى حرب جامده بينهم وبين العرب فعشان كده خايفين وبيحاولوا يموتوا اى حد كويس من عندنا
( ده فى اعتقادى )

طب يعني ايه الحل
حد يفدني

جزء من الحل فى رايى اننا.............

اولا: نهتم بالعلماء داخل بلدهم و نديهم القدر الكافى من الاحترام من الناحيتين ( الادبية و المادية )

ثانيا: توفير الحماية لهم واقصد ان يتم وضعهم تحت الحراسة المشددة ( على الاقل زى مابيحصل

مع بعض المطربين والفنانين والوزراء).

ثالثا: توفير الامكانيات العلمية والاجهزة الحديثة لهم مهما كان ثمن تلك الاجهزة ( لان فى النهاية مهما

يتصرف عليهم هتعود الفائدة على المجتمع كله اضعاف اضعافه ).

مين يسمع ومين يعمل

ااااااااه

كلامك كله صح

انا بضم صوتي لصوتك

يا جماعه لو اتصرف علي اتعلم والتعليم نص الي بيتصرف علي الكوره والمباااااااااااااالغ الطااااااااااااااائله

دي هيكونلنا شأن تاني

وا ايه ؟؟