مصير الطالب الجامعي هل هو العمل ام الكسل

انا ايه رايكم بم ان احنا قربنا خلاص من الشغل والحياة العملية شايفين ان الشغل دلوقتى معتمد على الدراسة ولا بقت مجرد شهادة كلام فى ورقة يعنى مالوش اى قيمة ولو هو كده ايه الحل احنا بندرس ليه وممكن نعمل ايه
اخر رجاء من فضلكم يا جماعة ياريت الردود من غير هزار لانه بجد موضوع مهم على الاقل بالنسبة لى والى مش يهمه الموضوع خلاص مايردش

يمكن للزوار المشاركه

اكيد

انا من رئيي
ان الواحد بيتعلم علشانه
يعني انا بتعلم علشان انا بحب التعليم علشان ابقي انسان ليا ثقافتي ورئيي
ومش لازم اشتغل بشهادتي دي
بس ممكن اشتغل الي انا حابه
يعني
مش لازم اربط بين الشغل والدراسه بس ده مايمنعش انه الاحسن ان الاتنين يمشوا في سكه واحده

يص يا ادمن الانسان لما بيجي يدرس مش بيدرس اللى بيحبه بس
لا دا بيدور على مجال يكون فيه شغل
وفى فرق كبير بين الثقافه والشهاده
الشهاده بتاخدها علشان تشتغل بيها انما الثقافه شئ مختلف خالص
انما بالنسبه لللموضوع ده
ففى حل من اتنينت قدام الشباب
اولهم انه يدور على وسطه علشان يشتغل بشهادته
ثانيه انه يدور على شغل برا مصر
او يدور على اى شغل والسلام بعيد عن مجاله

لا لا

انا ضدك خالص في الموضوع ده

علي فكره
انا كان قدامي جامعه خاصه ومستواها العلمي عالي جدا جدا وكانت هندسه

والله يا اخونا انا رفضت ادخلها ووقفت قدام اهلي لدرجه ان الموضوع وصل للخناق علشان هما مش عاوزني ادخل علوم وبس عملت الي في دماغي ودخلت علوم قسم رياضه زي ماكنت عاوز وانا صغير

انا دخلت قسم رياضه وهو معروف انه بيطلع ناس لاسعه ومالهوش مستقبل بس دخلته علشان الصوره الي كنت حابب اني اعيشها حاسس ان ميولي هاتمشي في الرياضه كويس جداااا

لكن لو كنت دخلت الجامعه الخاصه الي هاتطلعني بشغل مضمون ميه في الميه بس مابحهاش يبقي ايه فيدته


ثانيا
الثقافه يا احمد جزء من شخصيه الانسان " ده مجرد رئي" ومش كل واحد بيدرس يبقي مثقف لان في فرق بين الي بيدرس علشان شهاده وخلاص والي بيدرس علشان يدرس
علشان عقله يكبر
وفكره يعلي

ثالثا يا ابو حميد
الوسطه دي سهم هايموت اي امل في الابداع والعمل الجاد
فياريت لما نخلف
مانقولش قدام ولادنا ولا قدام اخوتنا الصغيرين كلمه وسطه علشان يكبروا مش عارفين يعني ايه الكلمه دي

ياباشا بلاش تكدب قسم رياضه ايه اللى انت دخلته انت ناسي انك فى قسم علوم البترول

كلامك يا محمد بيعبر عنك وبجد انا بحترمه اوى بس هو مثالى شوية وكلامك يا احمد برضه بيعبر عتك وعن جزء كبير من الشباب الى بيفكروا كده بس هو ظالم شوية او محبط بس للاسف واقعى
بس انا مازلت مقتنعة ان فعلا فى شغل كتير فى مصر بس للى عاوز ويقبل بس بقى صعب اوى تشتغل بدراستك او على حسب نوع الدراسة ديه
دلوقتى الواحد قبل ما يدخل الجامعة يختار جامعة يشتغل بعديها يعنى بيدرس عشان الشغل مش عشان الثقافة او العلم

وازا كانت الحكومه زات نفسها
كانت منزله اعلان بتاع القطر ومش القطر والحق واركب والف فرصه عمل ومش عارف ايه
وكلها عاوزين صنايعيه في مصانه ويكونوا زو تعليم مرتفع

يبقي لو ماكنش قدامي شغل غير كده
يبقي لازم ارضي بيه
بس علشان مابقاش ضيعت عمري كله ع الفاضي
لازم برضه يكون قدامي انتي بتعلم علشان افيد نفسي مش علشان اشتغل

يعني انا اربي نفسي وعقلي الاول
وبعدين ابقي ادور علي شغل

وانا متاكد
ان الانسان الي عنده فكره ورئيه ونظرته الخاصه
هايكون ليه فرصه عمل كبيره جدا اجدا جدااااااااااااااااااا
لان صاحب الشغل بيحتاج افكار وعقول اكتر من ايدي وعضلات

محمد كلام مثالى ولكن مش موجود حوالينا خالص
اما احمد اتكلم عن الوضع المطروح على الساحه فعلا الشباب يا اما يشتغل فى مجاله اما يسافر برة
ولو انة ممكن هناك ميشتغلش بشهادته بس متعرفيش لية طب متشتغل هنا بصراحه انا راى جزء منة مع محمد انى مش شرط اشتغل بشهادتى المهم العمر ميضعش هدر واى شغل شريف مصدر فخر لصاحبة
اما بالنسبة الدراسه انا قبل علوم كنت واخدها دراسه والسلام بس بعد علوم الدنيا بدات تنور( مش اوى يعنى)
بس انا نفسى اشتغل بيها موووت
اما من ناحية ممكن نعمل اية
فالعمل اننا مش لازم نقيد الموضوع بالعمل فى مجال الشغل انا عارفه ان تقبل الوضع صعب جدا بس هو الاحسن من البطاله

حب ما تعمل
حتى تعمل ما تحب
بجد دى مشكلة لان اى حد بيهمل فى عمله بيكون بسبب احساسه بان الشغل ده مجبر عليه وان هو مااخترش حاجة ومش بيحب الشغل ده
بس لو كل واحد حب الى هو بيعمله هيخلص ليه ويعمله بجد (وان الله لا يضيع اجر من احسن عملا )ان شاء الله ربنا هيجازيه خير ويديله كل الى هو بيحبه

ياجماعه بصراحه شديده
على راى الشاعر الكبير
اللى قال
الدنيا خربانه
هى دى مصر
مبقاش فيها حاجه عدله
واللى مش مصدق يبقي متعاملش مع حد
خليك واقعى يامحمد
الثقافه مهمه لاكن مش بتاكل
ولا حتى عيش حاف
بلدك لا تحترم الثقافه

وانا مالي بلدي تحترمها ولا لأ

المهم انا زاتي احترمها

بس متنساش انك مش عايش لوحدك فى ناس وفى ظروف بتجبرك على حاجات انت مش عاوزها

انا الحاجات الي بتجبر دي هاتجبرني بس لو انا انثقت ورا الرغبات التافهه الي ولدها المجتمع

انا رأى ان لو الواحد دخل الكلية اللى
اولا له ميول فى دخولها
ثانيا الكلية دى ليها مستقبل او بعدها وظيفة كويسة
صدقونى هتتحل كل مشاكل لانه هيشتغل بحب للحاجة اللى بيعملها ومش هيحتاج واسطة لو كان متقن ومجتهد ومحب لعمله دة ومش هيحتاج يسافر يشتغل بره لان لو كل واحد عرف هو عايز ايه هتلاقى البلد اترتبت لوحدها وتوافرت فرص العمل بمعدل يعيش بلدنا فى نعيم بجد
لكن نظام سمك لبن تمر هندى دة هو اللى بوظ الدنيا
تلاقى الواحد شهادته حاجة ووظيفته حاجة تانية ملهش دعوة بالاولانيه اما ميوله بقى بيكون حاجة تالتة ملهاش دعوة اصلا بالحاجتين الاولنين