فضيحه مصر من الصين طااازه

جايبالكو انهاردة موضوع للاسف لا يسر
طبعا كلنا بنسمع عن نظام الخصخصة
واخر شركة اتباعت هي مجموعة شركات عمر افندي
والي اشتراها الملياردير جميل القنبيط والشريك مسيو ارنو وهو من اصل فرنسي يهودي
الموضوع باختصار ان الصين صنعت احذية مكتوب عليها لا اله الا الله ولفظ الجلالة الله
وملابس مكتوب عليها لا الله
وتم توزيعها علي المستوردين في الدول الاخري باسعار بسيطة جدا
وطبعا السعودية وبعض الدول الاخري رفضو استيرادها
ولكن المستورد المصري استلمها بالفعل ووزعها علي مجموعة شركات عمر افندي
والي حصل ان مواطن مصري بسيط راح اشتري حزاء رخيص وطبعا فرح بالسعر
ولاحظ انه كل ما يمشي يتكتب علي الارض لا اله الا الله
ولسة في خير في بلادنا
المواطن اخذ الحزاء وطلع بيه علي امن الدولة
وبقيت قضية تجارة غير شرعية وانتهاك لحقوق الدين
وتم مصادرة الاحذية في الفروع ونقلها الي المخزن
لحين الحكم في القضية
وطبعا الي متحول للتحقيق المستورد المصري الي كالعادة هيخرج منها
وهيتحط فيها موظفين المشتريات

انا معايا الصوره بس مش هاحطها علشان مامنعش انتشارها
وحسبنا الله ونعم الوكيل في كل من ساهم في ان يصل حال اسلامنا الي هما نراه

ميرسى يا محمد على الموضوع وحسبنا الله ونعم الوكيل فيهم

على رايك يا فيجو

لا يا اخونا دي مش بلدنا بلدنا احسن من كده بكتير

لا هى دة بلدنا مش المفروض بلدنا فيها رقابة

كانت فين الرقابة دة فى الموضوع دة

العيب مش فى البلد العيب فى الناس الى فيها وحكامها
بلدنا احسن بلد فى الدنيا بس لوحدها من غير تاس كل همهم انهم يدمروها بلاش كل حاجة نقول البلد البلد

صح يا نونو
فعلا الي مبوظ البلد دي الناس الي هما
بس عارفين
مالي مبوظها ناس مننا
يبقي الغلط علينا احنا
احنا لازم نعمل حاجه
بس ايه هي
؟؟؟؟؟؟؟؟؟؟؟

مع احترامى لرلأيكم بس البلد بيتحكم عليها بالناس اللى فيها يعنى ماينفعش نقول على بلد مافيهاش ناس انها جميلة او وحشة
زى امريكا كلنا شايفنها اوحش دوله فى العالم عشان ناسها مش عشان البلد
والصين شايفنها امهر بلاد العالم وبرضة عشان ناسها ماهرين مش عشان البلد
يعنى الشعب هو البلد
وعيب مصر يعنى عيب شعب مصر واللى لايمكن تقوم البلد بجد الا لما العيب دة يتصلح
هو عيب بسيط يمكن ناس كتير عمرها ما فكرت فيهر بس هو دة الاساس
(ان كل واحد فينا بيقول يعنى هى البلد واقفة عليه)
او (هو انا اللى هصلح الكون)
او (لو انا صلحت من نفسى فى 70 ملييون واحد غلط يعنى ما جتش علي)



ياترى شايفين اللى قولته دة صح ولا رأيكم ايه

انا نسيت طبعا الجانب الاخر حكومتنا الله يعمر بيت اللى دايرنها