طالب فوق العادة

انا حابة احكلكم على حاجة كده وان شاء الله تعجبكم والحكاية ديه حصلت بجد ولحد اعرفه


كان فى طالب فى الارياف صغير فى السن يعنى اولى ابتدائى كده الاستاذ بتاعه عملهم امتحان بس الطالب ده غلط فى سؤال ومش جاب الدرجة النهائية فقعد يبكى كتير فقاله الاستاذ لو جبتلى تراب من الجنة هتاخد الدرجة النهائية

تفتكروا عمل ايه

اخد شوية تراب وخلى امه تدوس عليهم وراح وداه للاستاذ ده وقاله التراب ده من الجنة مش الجنة تحت اقدام الامهات

الاستاذ اداه الدرجة النهائية

بلدنا فيها قدرات بس مش لاقية النور

ولد رائع وتفكير اجمل وعندنا كتير بس مين يقرا ومين يسمع

واد ميه ميه
هو ده اللى ينفع فى كليه علوم

بجد الولد دة دماغة عالية جدا ميرسى على الموضوع

قبل ما أقول ان دماغة حكايه وتفكيره اكبر من سنه هقول اكيد ربنا هيكرمه طول حياته عشان حبه وتقديره لمامته

اكيد طبعا ربنا يستر شكله كده هيتحسد
ما شاء الله عليه