الحفره المصريه هئ هئ هئ lol

مره كان فيه حفره كبيره في احد البلاد المتقدمه الي زينا بالظبط
المهم ناس كتير وقعوا في الحفره دي
فالحكومه اجتمعت و جابوا وزير الحفر
و حاولوا يحلوها و طلبوا الخبراء و شكلوا لجان تقصي حقائق عن الحفره
ووصلوا لانهم لازم يحطوا عربيات اسعاف جنب الحفره
علشان الي يقع يلحقوه
و بلغ وزير الاسعاف بالكلام ده و بدائوا يجهزوا المسعفين و بعد فتره
زادت اعداد الناس الي بتقع و الاسعاف مش ملاحق
او بعد عده استجوابات في مجلس الشعب
اجتمع رئيس الوزراء بوزرائه لحل المشكله
و كان الحل هذه المره في يد وزير الصحه و مطالبته رسميا بانشاء مستشفي متكامل باحدث الاساليب العلميه
من ميزانيه وزاره الصحه
و بعد ان تكرم وزير الصحه و انشاوا المستشفي
لم يتبقي فلوس في ميزانيه وزاره الصحه لشراء
اجهزه ولا ادويه ولا اي حاجه
و هنا خرجت المظاهرات في جميع انحاء البلاد و شكلت لجان و لجان منبثقه
عن اللجان و لجان منبثقه عن اللجان المنبثقه
و بعد مرور ايام قليله من المظاهرات و اللجان و الاستجوابات
اجتمع رئيس الوزراء بكل من وزير الحفر ووزير الردم ووزير اصحه و وزير الاسعاف
و صدر القرار الحاسم و التاريخي و المحوري و الحيوي
بردم هذه الحفره و نقلها بجوار المستشفي الكبير بوسط البلد
مع التوصيه بانشاء وزاره جديده مهتمه بالشان نفسه
و تسمي وزاره نقل الحفر
و خرجت الجماهير العريضه في هذا اليوم في احتفاليه كبري استمرت عده ايام بلاياليهم و افراح حتي
الصباح مع تشغيل الاغاني الوطنيه مثل
و الله و عملوها الرجاله و نقلوا الحفره لنص بلدنا
ووقفوا وقفه رجله الله عليك با ابن بلدنا

الله اكبر بسم الله بسم الله و نقلنا الحفره بسم الله بسم الله
نردم و نحفر بايدين ولادنا بسم الله بسم الله

لو سالتك انت الي نقلت الحفره تقولي ايه
هقولك الحفره و الي جابوا الحفره
و ابن بلدي الله عليه
و اصبح اليوم ده يحتفل بيه كل سنه و سموه عيد الحفره وينوه عنه في حدث في مثل هذا اليوم
علي فكره لو مضحكتش ده مش دليل اني بكتب وحش
انما ده دليل ان الموضوع ده شفته و سمعته كتير لغايه ما اتعودت عليه
بجد الكلام ده تهريج انما لو كنت سمعته كتير قبل كده اكيد هيفقد قيمته التهريجيه

وانا عاوزه يفقد قيمته التهريجيه
اصل خبتطين في الراس توجع
وانا شفت حاجتين خلوا الواحد يتعقد بالشكل ده

الخبطه الاول

طبعا

بصوا الاحداث نفسها سمعتها فى نكتة لكن بتتشابة طبعا مع اى خطوة بتاخدها حكومتنا زى بالضبط النهاردة كانوا بيناقشوا فى برنامج حوارى شفته وانا بقلب في الكائن الوحيد الي مابطقهوش في البيت الي هو الدش كانوا بيتكلموا في موضوع ان الدولة بتفكر تلغى الكتب الخارجية و بناءا عليه هتزيد نسبة التخلف و الغباء و الصم فى المدارس بس المصيبة ان الطلبة هتصم معلومات غلط لان كتب الوزارة كلها اخطاء و بعدين مش احسن من الخطوة المصيرية ديه انهم يصلحوا من الكتب المدرسية و يخلوها شيقة شوية هى و المناهج و ساعتها محدش هيجيب الكتب الوحشة التانية الخارجية دية ما اصل مش من كتر فلوس المصريين هيصرفوها غلاسة على الكتب لو بيفهموا من كتب المدرسة بس عادى احنا بنتبع نظرية ودنك منين يا جحااااا



والخبطه التانيه
كتاب لسه جايبه عن الحرب والنكسه وكده الكتاب بجد وضحلي حاجات كتير ماعرفهاشأيوا أنا عارفاها الحفرة دي مشهورة دي أشهر حفرة في التاريخ المصري المعاصر لا في التاريخ المصري كله اسمها حفرة ستة وعشرين يوليو -حفرة من رواسبها العدوان والنكسة وتحلل قيم واخلاق كتير وغياب الانتماء والوعي وتآكل البرجوازية وتعتيم إعلامي وحكومة فلة وخلينا في القلة بدل ما تقلب بنكد كل حاجة جميلة شوف بس الجنيه المصري كان يعمل كام استرليني قبل الحفرة أقصد الثورة ودلوقتي الاسترليني يعمل كام جنيه وشوف قانون الاصلاح الزراعي الي ضرب الزراعة في البلد وغيرها أشياء كثيرة خلينا ساكتين احسن

طب انا اعمل ايه
غير اني احكيلكم